HStAOrient5a: 34r

qarīn‑i melike böyle telqīn ėtdiler ki dīn‑i müslimīne kesre‑i inhidām ėrişüb fıraq‑i // müteḫālifeye inqısāmın dilerseñ kütüb‑i mezbūreʾi bi‑t‑tamām irsāl // eyle. Melik istiḥsān ėdüb kütüb‑i maḫzūneʾi Meʾmūna gönderüb // baʿdehū Meʾmūn müterciminden Ḥuneyn bin // İsḥāq ve S̱ābit bin Qurraʾi [ve] bunlaruñ ġayrisin cemʿ ėdüb terācim‑i müteḫālife ile // terceme qıldılar. Ve ol terācim iṭnāb u taṭvīl üzre tehẕīb // ve telḫīṣ olınmayub tā ḥekīm Fārābī zamānına dek mütūn‑i defātirde // qalub ḥattā rüsūm‑i evrāq münderis olmaġa müşrif ü nāẓır oldı. // Baʿdehū ol ʿaṣruñ meliki Manṣūr bin Nūḥ Sāmānī Fārābīden // evvel terācim‑i müteḫālifenüñ tehẕīb ü telḫīṣin ṭaleb ėdüb // Fārābī daḫı iltimāsa icābet [ėdüb] ve yazduġı kitāba Taʿlīm‑i S̱ānī // dėyü ad vėrdi. Ol sebebdür ki gendü daḫı Muʿallim‑i S̱ānī ile mulaqqab // oldı. Pes kitāb‑i Fārābī ve sāyir terācim İṣfahānda Ḫizān // al‑Ḥikmat adlu bir kitāb‑ḫānede maḥzūn [!] idi. Ol zamāna dek // ki Sulṭān Maḥmūd Sebük‑tegin oġlı Sulṭān Mesʿūd Ġaznevī Şeyḫ // Ebū ʿAlīʾi ṭabābeti içün ṭaleb ėdüb vezīr‑i muqarreb ėdindi. // Ve ol ḫizāne‑i kütübi şeyḫe teslīm ėtdi ve henūz Taʿlīm‑i S̱ānī // Fārābīnüñ [teʾlīf ü taṣnīfi] müsveddesi ile idi beyāż olınmamışdı. Zīrā // Fārābīnüñ teʾlīf ü taṣnīfe raġbeti ve teʾlīf ile olan ʿizz